Клінічныя падраздзялення

Дзяржаўная ўстанова “Рэспубліканскі навукова-практычны цэнтр медыцынскай экспертызы і рэабілітацыі” разлічаны на 110 месцаў для аказання медыцынскай рэабілітацыі ва ўмовах стацыянара пацыентам пасля завяршэння аператыўнага лячэння анкапаталогіі разнастайных органаў, а таксама з захворваннямі апорна-рухальнага апарату, нервовай сістэмы, ЛОР-органаў, дыхальнай сістэмы, сардэчна-сасудзістай сістэмы і парушэннямі абмену рэчываў.

Цэнтр абладжаны сучасным спецыяльным рэабілітацыйным абсталяваннем, гэта апарат агульнай нізкачастотнай і нізкаінтэнсіўнай імпульснай магнітатэрапіі «Магнітатурбатрон», апарат «Магнітамед», апараты: «Лімфамат», «Pressomed» і інш. для паспяховага правядзення аднаўленчай тэрапіі.

Рэабілітацыю пацыентаў праводзяць высокакваліфікаваныя спецыялісты, якія валодаюць шматгадовым вопытам і ведамі сучасных дасягненняў у сферы рэабілітацыі.

Праграма рэабілітацыі ўключае комплекс мерапрыемстваў, найважнейшай часткай якога з'яўляецца псіхатэрапеўтычная і псіхалагічная дапамога, лячэбная фізкультура і фізіятэрапія. Фізічныя фактары прымяняюцца ў залежнасці ад лакалізацыі, характару паталагічнага працэсу, асаблівасцяў яго плыні, індывідуальных асаблівасцяў рэабілітанта.